Чытальная зала

Пампуй новае каталiцкае прылажэнне "Малiтоўнiк"!

МАЛІТОЎНІК

Пытаннi i адказы

«Маёй маме 84 гады. Цi магу я, яе дачка, быць "бежмаванаю мацi" для яе пры бежмаваннi?...»

Хвала Хрысту!

З надыходам вясны, абуджэннем прыроды, з цёплым сонейкам і спевам птушак усё больш радасці нараджаецца ў душы. Скончыўся час халадоў і змроку, санлівасці і абыякавасці. Які доўгі ўжо стаў дзень і як многа добрых спраў можна зрабіць!

 

Велікодны перыяд – гэта час радасці. А ў радасці добра ўзгадаць тое, што перажылі, што ў нас атрымалася, якія маем плёны ў нашай працы.

 

Перад вамі – сціслы агляд тых падзей, якімі жыла наша парафіяльная супольнасць за апошні час. Няхай словы і фотаздымкі не застануцца толькі хронікай, але абуджаюць пачуцці, нагадваюць перажыванні, дазваляюць паглядзець на сябе чужымі вачыма і разабрацца ва ўласным унутраным свеце.

З Богам!

 

 

1. Кананічная пастырская візітацыя

У парафіі Беззаганнага Зачацця Найсвяцейшай Панны Марыі 7 лютага адбылася ўрачыстая Эўхарыстыя з нагоды кананічнай пастырскай візітацыі дапаможнага біскупа Мінска-Магілёўскай архідыяцэзіі Юрыя Касабуцкага.

 

  

 

 
 
2. З крыжам на руках
 

На Вялікім тыдні мы прайшлі Крыжовы шлях: усе разам і кожны асабіста. У малітве, з вялікім крыжам на руках падымаліся ўгару ‒ туды, дзе ўжо стаіць крыж. Здаецца сімвалічным, што ў сухараўскай парафіі ёсць свая Галгофа.

 

 

 

 
 

3. Пасхальны Трыдуум

 

На працягу сарака дзён Вялікага посту вернікі рыхтуюцца да найважнейшай падзеі ў гісторыі чалавецтва – Уваскрасення Езуса Хрыста. Пасхальны Трыдуум дазваляе наблізіцца да таямніцы і велічы мукі Пана, Яго смерці на Крыжы і Уваскрасення. Гэта час для асаблівай, больш глыбокай малітвы і ўнутранай цішыні.

 

 

 
 

4. Турнiр у Жодзiна

Чарговая сустрэча міністрантаў марыянскіх парафій адбылася 8–9 красавіка ў Жодзіне. Нашы хлопцызанялі першае месца!