06.01 - 12.01.2019 г.

На гэтым тыдні касцёльны каляндар прадугледжвае такія ўспаміны і святы:

6 студзеня (ндз) – Урачыстасць Аб’яўлення Пана.

1. Сёння, ва ўрачыстасць Аб’яўлення Пана, падчас усіх літургій адбудзецца благаслаўленне крэйды, кадзіла і вады.

2. У наступную нядзелю (13 студзеня) адзначаем Свята Хросту Пана.

3. У гэтую нядзелю пасля Св. Імшы ў 18.00 запрашаем на батлейку, якую падрыхтавалі дзеці і моладзь нашай парафіі.

4. Заўтра Св. Імша будзе адпраўляцца ў 10.00.

5. Заняткі ў нядзельнай школе распачнуцца ў сераду 9 студзеня.

6. У наступную нядзелю падчас Св. Імшы ў 18.00 адбудзецца ўзнагароджанне дзяцей за актыўны ўдзел у раратах.

7. Каляда у нашай парафіі распачнецца заўтра 7 студзеня. Графік душпастырскіх адведзінаў знаходзіцца ля ўваходу ў капліцу.

8. Вялікі дзякуй тым, хто прыняў удзел у прыбіранні капліцы. Дзякуй таксама за ахвяраванні, складзеныя на патрэбы парафіі.