18.11 - 24.11.2018 г.

На гэтым тыдні касцёльны каляндар прадугледжвае такія ўспаміны і святы:

21 лістапада (ср) – успамін Ахвяравання Найсвяцейшай Панны Марыі;

22 лістапада (чц) – успамін св. Цэцыліі, панны і мучаніцы;

24 лістапада (сб) – успамін святых Андрэя Зунг Лака, святара і паплечнікаў, мучанікаў.

2. Наступная нядзеля – НЯДЗЕЛЯ ПАНА НАШАГА ЕЗУСА ХРЫСТА, ВАЛАДАРА СУСВЕТУ – апошняя нядзеля літургічнага года.

3. Традыцыйна ў нядзелю Хрыста Валадара адзначаем Дзень Эўхарыстычнага Руху Маладых (ЭРМ). З гэтай нагоды ў наступную нядзелю ў 12.00 будзе адпраўлена ўрачыстая Святая Імша. Усе члены Руху абавязкова павінны быць апранутыя ў форму ЭРМ. Заахвочваем дзяцей, якія ў гэтым годзе прынялі Першую Святую Камунію, уступаць у Рух.

Пасля Св. Імшы ўдзельнікі ЭРМ адправяцца ў Хрысціянскі Сацыяльны Цэнтр (ул. Серафімовіча, 19), дзе адбудзецца другая частка святкавання.

4. Сёння, у трэцюю нядзелю месяца, у 11.00 і 13.00 адбудуцца фармацыйныя спатканні ЭРМ. Заняткі будуць праходзіць у класе і вагончыку.

5. Усе ахвяраванні, сабраныя падчас літургій у нядзелю Хрыста Валадара, прызначаюцца на ўтрыманне Вышэйшай Духоўнай Семінарыі ў Пінску.

6. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы парафіі.