31.12 - 06.01.2018 г.

1 студзеня (пн) – Урачыстасць Святой Багародзіцы Марыі;

2 студзеня (ат) – успамін св. Базыля Вялікага і Грыгорыя Назіянзскага,
                        біскупаў і доктараў Касцёла;

3 студзеня (ср) – успамін Найсвяцейшага Імя Езуса;

6 студзеня (сб) – Урачыстасць Аб’яўлення Пана.

1. Сёння пасля Эўхарыстыі ў 18.00 адбудзецца набажэнства на заканчэнне каляндарнага года.

2. Просім запісвацца ў графік дыжурства ў навагоднюю ноч.

3. У панядзелак (1 студзеня) ва ўрачыстасць Святой Багародзіцы Марыі Імшы будуць адпраўляцца ў 12.00 і 18.00.

4. У суботу (6 студзеня) ва ўрачыстасць Аб’яўлення Пана распарадак Імшаў, як у нядзелю – у 9.30, 12.00, 18.00. Падчас літургій адбудзецца благаслаўленне крэйды, кадзіла і вады.

5. У найбліжэйшую сераду – першую сераду месяца – адбудзецца спатканне і абмен таямніцамі ў Коле Святога Ружанца. Ружанцовая малітва распачнецца ў 18.30.

6. Паколькі найбліжэйшы чацвер – першы чацвер месяца – у гэты дзень ва ўсіх прынесеных вамі інтэнцыях будзе адпраўлена Св. Імша і навэнна праз заступніцтва св. Уршулі.

7. У найбліжэйшую пятніцу – першую пятніцу месяца – запрашаем прыняць поўны ўдзел у Св. Імшы і набажэнстве да Сэрца Езуса.

8. У наступную нядзелю – першую нядзелю месяца – пасля Святых Імшаў адбудзецца адарацыя Найсвяцейшага Сакрамэнту. Гэта будзе нядзеля Хросту Пана.

9. Заняткі ў нядзельнай школе распачнуцца 8 студзеня.

10. Каляда у нашай парафіі распачнецца 9 студзеня.

11. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы парафіі.