19.11 - 25.11.2017 г.

На гэтым тыдні касцёльны каляндар прадугледжвае такія ўспаміны і святы:

21 лістапада (ат) – успамін Ахвяравання Найсвяцейшай Панны Марыі;

22 лістапада (ср) – успамін св. Цэцыліі, панны і мучаніцы;

24 лістапада (пт) – успамін святых Андрэя Зунг Лака, святара і паплечнікаў, мучанікаў.

1. Наступная нядзеля – НЯДЗЕЛЯ ПАНА НАШАГА ЕЗУСА ХРЫСТА, ВАЛАДАРА СУСВЕТУ – апошняя нядзеля літургічнага года.

2. Традыцыйна ў нядзелю Хрыста Валадара адзначаем Дзень Эўхарыстычнага Руху Маладых (ЭРМ). З гэтай нагоды ў наступную нядзелю ў 12.00 будзе адпраўлена ўрачыстая Святая Імша. Усе члены Руху абавязкова павінны быць апранутыя ў форму ЭРМ. Заахвочваем дзяцей, якія ў гэтым годзе прынялі Першую Святую Камунію, уступаць у Рух.

3. Просім дзяцей прынесці малюнкі з налепкамі, якія назбіралі падчас ружанцовага месяца. У наступную нядзелю адбудзецца ўручэнне ўзнагарод найбольш актыўным удзельнікам ружанцовых набажэнстваў.

4. Усе ахвяраванні, сабраныя падчас літургій у нядзелю Хрыста Валадара, прызначаюцца на ўтрыманне Вышэйшай Духоўнай Семінарыі ў Пінску.

5. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы парафіі.