18.06 - 24.06.2017 г.

На гэтым тыдні касцёльны каляндар прадугледжвае такія ўспаміны і святы:

21 чэрвеня (ср) – успамін св. Алаізія Ганзагі, законніка;

 23 чэрвеня (пт) – Урачыстасць Найсвяцейшага Сэрца Езуса;

24 чэрвеня (сб) – Урачыстасць Нараджэння Св. Яна Хрысціцеля.

1. У чэрвені асаблівым чынам ушаноўваем Найсвяцейшае Сэрца Езуса. Запрашаем на “чэрвенскія набажэнствы”, якія адбываюцца пасля кожнай Св. Імшы.

2. 30 чэрвеня і 1 ліпеня запрашаем прыняць удзел ва ўрачыстасцях у Будславе, якія сёлета пройдуць на тэму “Фацімскае пасланне Марыі – шлях да навяртання” і будуць прысвечаныя 100-годдзю аб’яўленняў НПМ у Фаціме. Жадаючых адправіцца ў пілігрымку “Мінск-Будслаў” (пачатак – 26 чэрвеня) просім звяртацца ў закрыстыю архікатэдры. Тыя, хто плануе пайсці ў пілігрымку “Жодзіна-Будслаў” (пачатак – 27 чэрвеня), могуць запісацца ў яе ў закрыстыі нашай капліцы.

3. Просім удзельнікаў ЭРМ узяць з сабой у Будслаў форму Руху.

4. Запрашаем бацькоў першакамунійных дзяцей забраць у закрыстыі дыскі з запісам сёлетняй урачыстасці Першай Святой Камуніі.

5. Просім прыносіць кветкі для ўпрыгожвання нашай святыні.

6. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы парафіі.