04.12 - 10.12  2016 г.

II нядзеля Адвэнту

Літургічны каляндар прадугледжвае наступныя ўспаміны і святы:

7 снежня (ср) – успамін св. Амброзія, біскупа і доктара Касцёла;
8 снежня (чц) – УРАЧЫСТАСЦЬ БЕЗЗАГАННАГА ЗАЧАЦЦЯ НПМ.

1. Распачаўся АДВЭНТ – час чакання і духоўнай падрыхтоўкі да прыйсця Пана нашага Езуса Хрыста. Падчас Адвэнту раратнія Св. Імшы адбываюцца ў панядзелкі і серады ў 06.30, а таксама ў суботы ў 18.30.

Просім дзяцей змайстраваць ліхтарыкі і прыходзіць з імі на набажэнствы.

2. Падчас Адвэнту просім паклапаціцца аб тым, каб запрасіць святара с сакрамэнтамі да вашых хворых блізкіх.

3. 8 снежня, ва УРАЧЫСТАСЦЬ БЕЗЗАГАННАГА ЗАЧАЦЦЯ НПМ, наша парафія будзе адзначаць парафіяльнае свята (адпуст). У гэты дзень адпустовая Св. Імша распачнецца ў 19.00.

Калі ласка, просім так запланаваць свой час, каб магчы ўдзельнічаць у супольным святкаванні.

4. У наступную нядзелю (11 снежня) запрашаем на фармацыйныя спатканні ЭРМ.

5. 4 cнежня – у першую нядзелю месяца – пасля Святой Імшы ў 9.30 адбудзецца адарацыя Найсвяцейшага Сакрамэнту.

6. Пачынаючы з гэтай нядзелі, у 9.00 запрашаем на малітву Гадзінак аб Беззаганным Зачацці НПМ.

7. 16, 17 і 18 снежня ў нашай парафіі пройдуць адвэнтавыя рэкалекцыі.

8. 18 снежня ў нашай парафіі пройдзе адвэнтавы кірмаш. Просім на яго прыносіць зробленыя сваімі рукамі рэчы. У найбліжэйшую сераду ў 19.00 запрашаем усіх жадаючых на майстраванне калядных ўпрыгожванняў, якімі будзе аздобленая нашая капліца і якія можна будзе таксама набыць на кірмашы.

9. Вялікі дзякуй тым, хто прыняў удзел у прыбіранні капліцы. Звяртаем увагу, што ў Адвэнце другое прыбіранне будзе адбывацца ў суботы. Дзякуй таксама за складзеныя ахвяраванні на патрэбы парафіі.