27.11 - 03.12  2016 г.

I нядзеля Адвэнту

Літургічны каляндар прадугледжвае наступныя ўспаміны і святы:

30 лістапада (ср) – Свята св. Андрэя, апостала;
3 снежня (сб) – успамін св. Францішка Ксавэрыя, святара.

1. Распачынаецца АДВЭНТ – час чакання і духоўнай падрыхтоўкі да прыйсця Пана нашага Езуса Хрыста. Падчас Адвэнту раратнія Св. Імшы будуць адбывацца ў панядзелкі і серады ў 06.30, а таксама ў суботы ў 18.30.

Просім дзяцей змайстраваць ліхтарыкі і прыйсці з імі на набажэнства. Ліхтарыкі можна таксама набыць у нашым кіёску.

2. Падчас Адвэнту просім паклапаціцца аб тым, каб запрасіць святара с сакрамэнтамі да вашых хворых блізкіх.

3. Паколькі найбліжэйшы чацвер – першы чацвер месяца – у гэты дзень ва ўсіх прынесеных вамі інтэнцыях будзе адпраўлена Св. Імша і навэнна праз заступніцтва св. Уршулі.

4. У найбліжэйшую пятніцу – першую пятніцу месяца – запрашаем прыняць поўны ўдзел у Св. Імшы і набажэнстве да Сэрца Езуса.

5. Паколькі найбліжэйшая субота – першая субота месяца – у гэты дзень запрашаем прыняць поўны ўдзел у Св. Імшы і набажэнстве да НПМ.

6. Фармацыйныя спатканні ЭРМ пераносяцца з наступнай нядзелі - першай нядзелі месяца – на трэцюю нядзелю (11 снежня).

7. У наступную нядзелю - першую нядзелю месяца – пасля Святой Імшы ў 9.30 адбудзецца адарацыя Найсвяцейшага Сакрамэнту.

8. Пачынаючы з наступнай нядзелі, у 9.00 запрашаем на малітву Гадзінак аб Беззаганным Зачацці НПМ.

9. 9, 10 і 11 снежня ў нашай парафіі пройдуць адвэнтавыя рэкалекцыі.

10. У сувязі са святкаваннем 500-годдзя беларускай Бібліі айцы марыяне запрашаюць, пачынаючы з 27 лістапада, да штодзённага разважання літургічных чытанняў. Падрыхтаваны марыянамі каментарый да Божага Слова можна знайсці ў прылажэнні “Малітоўнік”.

11. Вялікі дзякуй тым, хто прыняў удзел у прыбіранні капліцы. Звяртаем увагу, што ў Адвэнце другое прыбіранне будзе адбывацца ў суботы. Дзякуй таксама за складзеныя ахвяраванні на патрэбы парафіі.