06.11 - 12.11  2016 г.

Літургічны каляндар прадугледжвае наступныя ўспаміны і святы:

9 лістапада (ср) – Свята гадавіны пасвячэння Ларэтанскай базылікі;
10 лістапада (чц) – успамін св. Льва Вялікага, папы і доктара Касцёла;
11 лістапада (пт) – успамін св. Марціна Турскага, біскупа;
12 лістапада (сб) – Свята св. Язафата, біскупа і мучаніка.

1. Пачынаючы з Дня ўспаміну ўсіх памерлых (2 лістапада) трывае актава (г. зн. восем дзён) малітвы за адыйшоўшых у вечнасць нашых блізкіх. Падчас актавы кожная Св. Імша ахвяруецца ў іх інтэнцыі. Узгадванне імёнаў нашых памерлых распачынаецца за 20 хвілін да Св. Літургіі (у 18.10). Пасля Св. Імшы адбываецца малітва нешпарамі. Заўтра ўспамін імёнаў памерлых распачнецца ў 7.00.

2. Сёння ў 13.30 адбудзецца малітва за памерлых на Сухараўскіх могілках. Традыцыйна збіраемся ля цэнтральнага ўваходу, з боку вул. Янкоўскага. За наведванне могілак з 1 па 8 лістапада пры выкананні звычайных умоў можна атрымаць поўны адпуст, які ахвяруецца толькі за памерлых.

3. У гэту нядзелю запрашаем дзяцей на катэхезу.

4. Паколькі мінулы чацвер – першы чацвер месяца – прыпаў на актаву малітвы за памерлых, Св. Імша і навэнна праз заступніцтва св. Уршулі будзе адпраўлена ў найбліжэйшы чацвер (10 лістапада).

5. Сёння запрашаем усіх удзельнікаў ЭРМ на фармацыйныя спатканні.

6. Вялікі дзякуй арганізатарам парафіяльнай пілігрымкі ў Гару Кальварыю і Пневы.

7. У наступную нядзелю (13 лістапада) у 13.00 у Мінскай архікатэдры адбудзецца закрыццё Святых Дзвярэй Міласэрнасці.

8. Запрашаем моладзь запісвацца ў паездку на сёлетняе малітоўнае спатканне Тэзэ ў Рыгу.

9. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы парафіі.