04.09 - 10.09  2016 г.

Літургічны каляндар прадугледжвае наступныя ўспаміны і святы:

 8 верасня (чц) – Свята Нараджэння Найсвяцейшай Панны Марыі.

1. Сёння пасля кожнай Св. Імшы будзе ўдзяляцца адмысловае благаслаўленне дзяцей і прынесеных імі школьных прыладаў.

2. У сераду – першую сераду месяца – адбудзецца спатканне і абмен таямніцамі ў Коле Святога Ружанца.

3. 8 верасня, у Свята Нараджэння НПМ, паводле касцёльнай традыцыі, адбудзецца благаслаўленне зерня на сяўбу.

4. У гэтым годзе заняткі ў нашай нядзельнай школе будуць праводзіцца згодна з наступным планам:

  нядзеля                                          нядзеля

  10.45 – 1 клас;                                13.00 – 3 клас;

  10.45 – 2 клас;                                13.00 – 4 клас;

  11.30 – дашкаляты (5-6 год);           14.00 – дадатковыя заняткі;

                                                         19.00 – спатканне для моладзі.

  серада                                            чацвер

  16.30 – 5 клас;                                16.30 – 7 клас;

  17.30 – 6 клас;                                17.30 – 9 клас;

  19.30 – 11 клас                               19.30 – 8 клас;

                                                        19.30 – 10 клас.

Заняткі распачынаюцца 14 верасня (серада).

Усе заняткі адбываюцца ў капліцы ў катэхетычным класе альбо памяшканні кіёску.

5. Просім усіх, хто запісаўся ў парафіяльную пілігрымку ў Гару Кальварыю (месца спачывання св. Станіслава Папчынскага) і Пневы (месца спачывання св. Уршулі Ледухоўскай) сёння здаць пашпарты і неабходныя для выезду сродкі.

6. Нацыянальная пілігрымка сем’яў пад дэвізам «Прабачэнне і паяднанне ў сям’і» пройдзе 10-11 верасня ў санктуарыі Маці Божай Валадаркі азёраў у Браславе.

7. Ад мінулай нядзелі ў нашай парафіі звычайны парадак нядзельных Святых Літургій – у 9.30, 12.00 і 18.00.

8. Усе сабраныя сёння ахвяраванні будуць прызначаныя на духоўную семінарыю у Пінску.

9. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы будавання.