1. На наступным тыдні літургічны каляндар прадугледжвае такія ўспаміны і святы:

24 лістапада (ат) – успамін св. св. Андрэя Зунг Лака, святара, і паплечнікаў, мучанікаў.

2. Кожны аўторак запрашаем на Св. Імшу і нешпары за памерлых, перад якімі ў лістападзе, за 15 хвілін да іх распачацця, будзем узгадваць імёны адыйшоўшых у вечнасць нашых блізкіх.

3. Гэтая нядзеля – НЯДЗЕЛЯ ПАНА НАШАГА ЕЗУСА ХРЫСТА, ВАЛАДАРА СУСВЕТУ – апошняя o літургічным годзе. Наступная нядзеля – І НЯДЗЕЛЯ АДВЭНТУ.

4. Традыцыйна ў нядзелю Хрыста Валадара адзначаем Дзень Эўхарыстычнага Руху Маладых (ЭРМ). Сёння, падчас урачыстай Святой Імшы ў 12.00, адбудзецца прыняцце новых членаў ЭРМ.

Пасля Літургіі сёстры уршулянкі запрашаюць усіх эрэмаўцаў на далейшае святкаванне ў свой кляштар у Навінках (расклад спаткання – на дошцы аб’яваў). Святкаванне скончыцца прыкладна каля 17 гадзіны. Просім бацькоў дапамагчы дзецям даехаць да месца сустрэчы.

Усе члены Руху ў гэты дзень абавязкова павінны быць апранутыя ў форму ЭРМ.

5. Просім бацькоў тых дзяцей, якія рыхтуюцца, каб у наступным годзе прыступіць да І Святой Камуніі, застацца ў наступную нядзелю пасля Св. Імшы ў 12.00 на бацькоўскі сход.

6. Запрашаем моладзь на распачынаючае Адвэнт малітоўнае набажэнства ў наступную нядзелю пасля Св. Імшы ў 18.00.

7. Усе сабраныя сёння падчас літургій ахвяраванні прызначаюцца на ўтрыманне Вышэйшай Духоўнай Семінарыі ў Пінску.

8. Вялікі дзякуй тым, хто прыняў удзел у прыбіранні капліцы. Дзякуй таксама за складзеныя ахвяраванні на патрэбы будавання.