1. На наступным тыдні літургічны каляндар прадугледжвае такія ўспаміны і святы:

26 студзеня (пн) – успамін святых Цімафея і Ціта, біскупаў;

28 студзеня (ср) – успамін св. Тамаша Аквінскага, святара і доктара Касцёла.

31 студзеня (сб) – успамін св. Яна Боско, святара.

2. На тыдні, які надыйшоў, будзе звычайны парадак набажэнстваў:

у пятніцу у 19.00 – малітва ля крыжа на пляцы будоўлі касцёла ў інтэнцыі ўсіх справаў, звязаных з будаваннем нашай капліцы;

у нядзелю – Св. Імшы ў 9.30, а 12 і 18ай гадз.

3. Жадаючых на гэтым тыдні запрасіць у свой дом святара просім запісацца ў расклад душпастырскіх адведзінаў.

4. Моладзь нашай парафii апрацавала новае прылажэнне “МАЛІТОЎНІК” для Андроід, якое дазваляе карыстацца афіцыйнымі малітвамі Касцёла і мець доступ да штодзённых літургічных чытанняў праз смартфон і планшэт. Жадаючыя могуць яго спампаваць з парафіяльнай інтэрнэт-старонкі.

5. Вялікі дзякуй тым, хто прыняў удзел у прыбіранні нашай капліцы. Дзякуй таксама за складзеныя ахвяраванні на патрэбы будавання.

6. Вельмі заахвочваем запісвацца на начныя дзяжурствы.