30.03.2018 г.

Урачыстай Імшой Вячэры Пана мы распачалі Святы Пасхальны Трыдыум, які з’яўляецца не толькі ўспамінам найважнейшых таямніц хрысціянства, але і часам калі здарэнні двутысячагадовай даўнасці з моцай уваходзяць у нашае сённяшняе жыццё. Вернікі збіраюцца вакол Стала Пана, каб разам браць удзел у таямніцах Эухарыстыі і святарства – сакрамэнтаў, пачатак якіх ўзгадваем у гэты дзень.

На пачатку Літургіі парафіяне павіншавалі сваіх душпастыраў – а. Аляксандра Шамрыцкага МІС і а. Паўла Федаровіча МІС, праслаўляючы Бога за іх прысутнасць і паслугу. Асаблівай нагодай была падзяка Пану за дзесяцігадовае служэнне а. Аляксандра ў нашай парафіі.

Падчас Імшы а. Павел па прыкладу Езуса, зняўшы літургічную шату, абмыў ногі дванаццаці мужчынам. Гэта жэст сімвалізуе служэнне і любоў Сына Чалавечага, які прыйшоў не дзеля таго, каб Яму служылі, але дзеля таго, каб служыць іншым (Мц 20,28).

На заканчэнне Эўхарыстыі святары перанеслі Цела Пана Езуса ў вязніцу, куды Ён быў змешчаны пасля арышту. Пасля адбылася адарацыя, якую правялі ўдзельнікі ЭРМ.

Фотаздымкі