24.12.2016

Стаенка

Перад 24 снежня на працягу некалькі дзён трывала будаванне стаенкі.

У супрацоўніцтве з парафіянамі с. Часлава рэалізавала ідэю спалучэння звычайных дэкарацый на свята са 100-годдзем фацімскіх аб’яўленняў. Па гэтай прычыне ў стаенцы знаходзяцца тры пастушкі – Луцыя, Францішак і Гіяцынта.

Менавіта гэтым дзецям аб’явілася Марыя ў Фаціме ў 1917 годзе. Маці Божая заклікала іх да малітвы і пакуты, каб дзякуючы гэтым духоўным практыкам яны прычыніліся да навяртання грэшнікаў. Няхай і ў нашым штодзённым жыцці будзе прысутнічаць малітва і пакута, каб і мы прычыняліся да навяртання іншых людзей.